Kujataani sapaatip-akunnerani uani anorersuarujussuarnera aamma sakkutooqarfimmi Kangilinnguani malunniulluarsimavoq.
Anorersuaq marlunngormat sakkortunerpaaffiimminiikkami sakkutooqarfiup biilii arfinillit, tv-kkut isiginnaarutinik tigooraassutit parabolit, naatitsiviit, aneersuartarfiit igalaarpassuillu aseruatitersimapput.
Inunnik ajoqusertoqanngilaq, aammami inuit aneqqusaasimaangitsut sakkutooqarfiup nittartagaani allaaserineqarpoq. Anorersuaq sakkortunerpaagaami anori sekundmeterimut 35-inik sakkortussuseqarsimavoq anoraasuaraangamili 62 sekundmeterinik sakkortutigisarsimalluni. Anorersuaq ulussaarsuramik naatsorsuunneqaraangami sekundimut 33 meterinik sukkassuseqartarpoq.