Qalasersuarmi sermersuaq aakkiartorpoq

Nunarsuarmi kissakkiartorneq pissutigalugu Qalasersuarmi Kujallermi sermersuaq ukiuni pingasuni kingullerni aakkiartulertoq ilisimatuunit nalunaarusiaq atugasasiami Sciencemi saqqummersinneqarsimasoq tunngavigalugu nutaarsiassaqartitsivik Ritzaus Bureau allaaserisaqarpoq.

NASA-p satellitsiutaasa marluk assilisaani takuneqarsinnaavoq, 2002-miit 2005-p tungaanut sermersuaq ukiumut 152 kubikmeterinik millisarsimasoq. Sermersuup annersaa Qalasersuup Kujalliup kippasinnerusortaanit kaanngartarpoq.

Nunarsuarmi sermit kaanngartartut 90 procentii Qalasersuaq Kujallermit kaanngartarput, taassumalu kippasinnerusortaanit kaanngartarnerit amerliallassappata aallutillu, imaq meterinik arfinilinnik qaffassaaq. Taqqavani sermersuaarutissagaluarpat, nunarsuarmi imaq 70 meter angullugu qaffassaaq.

Issittumi sermersuit qanorissusaat taamaalilluni silaannarmut inuinnullu pingaarutilerujussuuvoq.