Angalatitseqatigiiffik Albatros Travel, Kangerlussuarmi takornartitsinermi suliaqarnialerpoq. Kangerluassuarmi vandrehjem-imik aammalu angallassisarnernik aasaq manna aallartittumik aaqqissuussisalissaaq. Taassuma saniatigut takornariartitsinernik nunatsinni sumiiffinni allani aamma aallarniiniarpoq.
- ukiununi aggersuni takornariat amerlanerulernissaat naatsorsuutigaarput, Kangerlussuarlu takornariat tikeqqaartagaraat, Albatros Travel-imi pisortaq, Søren Rasmussen oqarpoq.
Angalatitseqatigiiffik Arctic Travel Group-imik piginneqataavoq, ukioq mannalu apriilip aallaqqaataa aallarnerfigalugu Arctic Umiaq Line-i tigusussaavaat.
Arctic Travel Group-i kalaallinit atorluarneqarnissaa neriuutigineqarpoq.
- Nunaqarfinnut illoqarfinnullu umiarsuaatitta tikittarnissaani, pingaaruteqarpoq kalaallit ilaasarnissaat. Takornariammi nuna kisiat takornariarnagu, aamma inui misigerusuttarpaat, Albatros Travel-imi pisortaq, Søren Rasmussen oqarpoq.