Nunarsuarmi arnat politikkikkut sunniuteqarnerat annertusiartorpoq. Arnat politikkikkut sunniuteqarnerat, nunarsuaq tamaat ataatsimut isigalugu, 2005-ip naanerani annertuneruvoq, arnat politikerit siorna 16,3 procentiullutik. Arnat politikkikkut sunniuteqartut aatsaat taama amerlatigilersut, aviisi Politiken allappoq.
Afrikami Rwanda-mi parlamentimi ilaasortat arnartaat katillugit procentinngorlugit 48,8-pput. Malitsigai nunat avannarliit, ilaatigut Sverige, Norge, Finland aamma Danmark.
Danmarkimi Folketingimi arnat ilaasortat katillugit 36,9 procentiupput.
Arabiamiut nunaanni arnat politikerit ikittuinnaapput, ilaatigut Saudi-Arabiami aamma De Forenede Arabiske Emiraterini arnanik parlamentimi ilaasortaqanngillat.
Nunatsinni inatsisartuni ilaasortat 31-t akornanni arnat aqqaniliupput.