Bush-i akerleraat

Amerikami præsidenti, George W. Bush, aatsaat taamak USA-mi innuttaasunit illersorneqanngitsigaaq.

TV-kkut nutaarsiassaqartitsiviup CBS-ip isumasiuititsinerani kingullermi, misissuinerit takutippaat, USA-mi innuttaasut 34 procentiinnaasa George Bush-ip politikkia tapersersoraat. Innuttaasut 59 procentiisa Bush-ip aqutsinera iluarinngilaat.

Bush-ip nuannarineqarpallaarunnaarneranut pissutaavoq, sapaatit-akunnerini kingullerni Irak-imi pissutsit. Aamma Arabiamiut suliffeqarfissuisa ilaata, USA-mi talittarfinnik pisiortulernera, innuttaasunit iluarineqanngilaq, isumasiuinerit malillugit talittarfiit tunineqalerneri innutaasunit 70 procentinit akerlerineqarpoq.

Bush-ip nuannarineerunnera kingullermik taamak isimmat, ukioq kingulleq oktobarip qaammataani pivoq, taamanikkut ulussaarsuup Katrinap, New Orleans-i aqqusaareermagu, ikiuiniarnerit arriigineqarlutik George Bush USA-mi innuttaasunit taamaallaat 35-procentinit tapersersorneqarpoq.