Arnat meeqqallu atortittartussatut europamut assartorneqartartut, ukiumut 500.000-it missaanniittut, FN-i nalunaarpoq.
Arnat meeqqallu atortittartussatut eqqussuunneqartarnerat aamma Danmarkimi pisartoq, atortittartut ornittagaanni Reden-imi pisortaq Dorit Otzen oqarpoq.
Danmarkimi atortittartut 4000-it missaanniittut Otzen-ip aamma oqaatigai.
Atortittartoqarneranut tunngatillugu Danmarki akerliunermik avammut kiinnersimanngilaq. Sverigimili atortittartuuneq inatsisitigut inerteqqutaavoq. Arnat niviarsiaqqallu nunartik qimallugu atortittartunngortartut nerisassaqarnissartik ilaquttaminnillu pilersuinissartik anguniarlugu atortittartunngortarput.
Suliniaqatigiiffik 3 F aammalu Redden, maannakkut iliuuseqarniarlutik sulinialerput.
- Inuit tuniniagaasarnerat unitsinneqartariaqarpoq, aamma inunnik tuniniaasarneq inussiaateqartarnertut taaneqarsinnaavoq inuillu pisinnaatitaaffiinik unioqqutitsineruvoq sakkortooq, Annelise Rasmussen 3 F-imi siunnersortitut sulisoq oqarpoq