Pujortartartut nikallunganermik napparsimaqqajaanerupput
27. februar 2006 07:33
Nikallunganermik napparsimasarneq pujortartartut akornanni akulikinnerusartoq, Norskit ilisimattuuisa misissuineranni kingullermi erserpoq.
Inuit 2014-it, Oslo-mi Lofoten-imilu apersorneqarmata paasineqarpoq pujortartartut nikallunganermik napparsimasarnerat pujortarneq ajortuninngarnit sisamariaammik amerlanerusut.
Oslo-mi ilisimatusarfimmi naatsorsuisartoq Ole Klungsøyr oqarpoq, kisitsisit takussutissaasut uppernarluinnartut.
- Nikallungalersinnaanermi pujortartarnerup peqqutaaqataanera kisitsisit takutippaat, Ole Klungsøyr Norgemi nutaarsiassaqartitsiviit ilaannut NTB-mut oqarpoq.
Pujortartorujussuaq nikallungalernermik sisamariaammik napparsimaqqajaanerusoq tassaavoq ullormut cigaritsinik 20-nik pujortartartoq.