Qimmit nunani allaneersut pilerigaat

Qimminut tunngasoq nuannernerulaartoq aamma ilanngutissavarput.

Qimmit Europap Kujataaneersut Europallu Kangianeersut, inuttaminnit allanilluunniit immaqa iluarpallaanngitsumik pineqarsimasut, qimmitaarissallugit Danmarkimi nuannarineqartorujussuanngorsimapput.

Qimmit tamakku Grækenlandimiit, Polenimiit Spaniamiillu tikiunneqarajupput, Danmarkimilu Uumasut Kattuffiiniit maluginiarneqalersimavoq, qimmit nunanit allaneersut assorsuaq soqutigineqaleriartortut.

Grækenlandimi qimminut pigineqaratik angalaannartunut peqatigiiffik namminersortoq, Græske Hunde, qimminik Danmarkimut ingerlatitseqqittartuuvoq. Naatsorsuutigineqarpoq qimmit 1.200-t 1.400-llu akornanni amerlassusillit Danmarkimut ukiumut tikittartut.

Qimmisissagaanni 2.000 koruunit missaannik akeqarpoq.

Qimmit peqqissuugaluit inuttaminnilli arlaatigut peqquteqarlutik pigerusunneqarunnaarunnaartut ukiumut 14.000-it missaanniittut toquinnarneqartarput.