Nunarput internetsikkut unnuaq nalunaaqutaq 03.41 attaveeruppoq

Attaveerunnerlu Danmarkimi attaveqatigiinnermut suliffeqarfissuarmi TDC-mi ajutoornermik peqquteqartoq, TDC-mi attaveqatigiinnermik suliaqartoq Rasmus Avnskjold, nassuiaavoq:

- Kabeliutitta pingaarnerit ilaat Herningip Viborgillu akornanniittoq ajoquteqartoq ullaaq paasivarput. Kabelimi ajoqut taanna ajornartorsiortitsivoq, Atlantikup avannaanut attavimmut sunniuteqartumik, tassalu TDC-p attaviini ajornartorsiuteqarpugut, Savalimmiunik, Islandimik Kalaallit Nunaannillu kalluaasumik, Rasmus Avnskjold oqarpoq.

Nunatsinnullu attavik iluarsiniarlugu TDC-mi sulisut ulapputileruttortut, taanna oqaluttuarpoq:

- Ajoquterujussuaqanngilaq. Aammali tamatuma Danmarkimi inuppaalussuit eqqormagit, suliaq assorsuaq salliutinniarparput. Sulisut marluk kabeli maanna iluarsaappaat, taakkualu naliliinerat naapertorlugu, nalunaaquttap akunnialui qaangiuppata iluarsisimassaaq, TDC-mi attaveqatigiinermik suliaqartoq Rasmus Avnskjold, nassuiaavoq.