Anaanaq ernerminik annaassisoq nersornaaserneqartussanngorpoq

Nunavumi illoqarfimmi Ivujivik-mi anaanaq ernerminik annaassiniarluni, nanorsuarmik paannissimanini pissutigalugu nersornaaserneqartussanngortoq, Nunatsiaq News allappoq.

Nukappiaqqat pingasut hockey-mik pinnguartillugit, nukappiaqqat taakku ilaata arnaata nalaatsornerinnakkut alakkarterilluni takulersimavaa, nukappiaqqat nanorsuup qamagai.

Anaanaq Lydia Angyiou annilaarsimaqaluni nanorsuup tungaanut nillialluni qimaatitsinialersimavoq, taamaaseriarmallu nanorsuup arnaq saassussimavaa, anaanarlu saassutsittoq tupinnaannartumik nukkassimassasoq Ivujik-mi politeeq oqaluttuarpoq.

Nanorsuaq arnarlu sivisulaartumik paasimapput, innuttaaqataasullu ilaata erngerluni allaammik aalleriarluni nanorsuaq qunutinniarlugu silaannarmut pingasoriarluni igeriarsimagaluarpoq, nanorsuulli tamanna soqutiginagu angummut eqqartumut ingerlalermat, allatut ajornartumik nanorsuaq aallaasariaqarsimagini, angut 33-inik ukiulik, Siqualuk Ainalik, oqaluttuarpoq.

Anaanaq ernerminik illersuiniarluni nanorsuarmik saassutsittoq kilertitersimagaluaqaluni ajunngitsoq, qanittumilu nersornaaserneqassamaartoq, Nunatsiaq News allappoq.