Titartakkat utoqqatsissutiginngilaat
19. februar 2006 15:03
Nunarsuarmi aviisit annersaannut ilaasut arlallit, ullumikkut allaaserinnipput, aviisi Jyllands-Posten muuamaamik titartakkat pillugit utoqqatserluni annonceliinikkut nalunaarsimasoq. Tamannali eqqunngitsoq, aviisip Jyllands-Postenip nalunaarutigaa. Aviisip Jyllands-Postenip ilisimannginnerarpaa kiap annonce saqqummiussimaneraa. Tamannali eqqumiitsortaqanngitsoq, nunanut allanut ministeeriaqarfimmi ambassadøri Karsten Stauer oqarpoq.
- Jyllands-Postenip nammineerluni nittartakkaminni allassimasaanit annonceliilluni utoqqatserneq allaanerungaanngilaq, taannalu nittartakkami saqqummiunneqarsimasoq, Arabiamiunut ingerlateqqiinerinnaavoq, Karsten Stauer naggasiivoq.