Muuamaamik titartakkat suli pequertitsipput. Pakistanimi danskit aallartitaqarfiat ullumi matuneqarpoq, Pakistanillu Danmarkimi aallartitartik angerlartippaa.
Seeriami Libanonimilu danskit aallartitaqarfii ikuallanneqarput; Indonesiami, Iranimilu matuneqarput; ullumilu Pakistanimi danskit aallartitaqarfianni sulisut toqqissisimajunnaarmata aallartitaqarfitsit matusariaqalersimavaat; illuatungaanilu Pakistanip Danmarkimi aallartitartik isumasioqatiginiarlugu angerlaqullugu.
Nunat akornini taamatut pissusilersornerit ajorluinnartoqarneranik tikkuussisarput.
Danskit nunanut allanut ministeriata Per Stig Møllerip taamaattoqannginneraraluarpaa, oqarluni Muamaamik titartakkat muamaakkormiunik aalassatsissisimanerata kingunerisaanik nunani araberisut oqaaseqarfiusuni perulluliuutaanerata unitsinneqarnissaa, attaveqatigiinnerillu pissusissaattut ingerlaleqqinnissaat pillugit taamatut iliortoqartoq.
Pakistanip illoqarfiisa pingaarnersaani Islamabadimi pisut iluatsillugit inuit nalinginnaliortut, naalakkersuisut tatiginassusaannik Per Stig Møllerip innarliiniartuunerarpai.