Ilassinnissutinik atornerluisimanerit politiinit misissorneqalerput
17. februar 2006 10:47
Jens Napaattuup Rasmus Frederiksenillu ilassinnissutinik atuisimaneri nunatsinni politiit misissuiffigisinnaavaat.
Danmarkimit bagmandspolitiit uppernarsaatinik takussutissanillu misissuillutik aallartissinnaalersut, politimestereqarfimmit nalunaarutigineqarpoq.
Politimestereqarfik suliamik misissuisinnaanersoq siusinnerusukkut nalornissutigineqarsimavoq, massakkulli politiit misissuisinnaasut isumaqatigiissutigineqarpoq.
Politiit naatsorsuutigaat suliaq pillugu juunip qiteqqunnerani nalunaaruteqarsinnaanissartik.
