Nunatta sermersuata ukiut tamaasa sermimik Atlantikumut anisitsisarnera, ukiut tallimat kingulliit ingerlaneranni marloriaatinngorsimavoq, sermip ingerlaarnera sukkanerujussuanngorsimanera peqqutigalugu.
Taama allaaserisaqarput misissuinermi ilisimatuut ilisimatusarnermut atasumut atuagassiamut Science-imut ullumi saqqummersumut.
Ilisimatuut allapput siunissami sermersuup nunarsuarmi immamik qaffatsi-tsini-ssaanik eqqoriaanerit annikippallartut.
Nunatsinni sermeq Qalasersuullu kujalliup sermersua taakkuupput nunar-suatsinni immap qaffannissaanut sunniuteqartussat eqqoriaruminaannerpaasut.
Ilulissat kangerluaniittoq sermeq tunumiittorlu Kangerlussuarmi sermeq, taakkuupput ukiuni kingullerni sukkanerpaamik sermimik aniatitsilersimasut.
Nunatsinniittup sermersuup aakkiartornera nunarsuatta kiatsikkiartornera kisimi peqqutaalluni aakkiartoraluarpat, eqqoriarneqartarpoq ukiut tusind-it imaluunniit totusind-it missaat ingerlaneranni aassinnaasoq, apeqqutaalluni mingutsitsinerup kingunerisaanik nunarsuup kiatsikkiartornera, Science-mi allaaserisami taama allaqqasoqarpoq.