Puisit amii paaseqatigiissutaapput
Puisit amii pillugit ukiortaamili oqallinneq suliniaqatigiiffiit oqartussallu akornanni suleqatigiinnerulernissamik kinguneqalerunarpoq. KNAPK, ICC Naalakkersuisut atorfilittallu ataatsimeeqatigiinnerat puisip amii eqqarsaatigalugit atsioqatigiinnermik kinguneqanngikkaluartoq, isummanik tunioraaqatigiinneq ajunngitsoq, Aalisartut Piniartullu Kattuffianni siulittaasoq Peter Olsen.
- KNAPK-minngaannit uagut anippagut siornatigulli isummagut. Naalakkersuisut puisip amiinik ammerivik piseqqusaajunnaarmat Canadaminngaanniit. Taamanikkut naalakkersuisut piumasaat qujarutiinnarnikuuagut, pissutigalugu 2006-ip upernaavani Canadamiut puisiniarujussuartussaanerat nalunnginnatsigu – 500.000-t angullugit puisinniartussaagamik. Tamatuma kingunerisaanik Kalaallit Nunaata sineriaanut puisit takkuttartut ikinnerulerulernerannik, tassa puisit amerlassusiinut piniartortatsinnut sunniuttussaagami – puisit akuttunerulerlutik, oqarpoq.
Puisit amii pillugit oqallinneq aallartimmat Ammeriviup Great Greenlandip Canadamik niueqateqarneranik Naalakkersuisut unitsitsinerat KNAPK-p tapersersoraa, Inuit issittormiut kattuffiata ICC-p pisoq unioqqutitsinertut isigaa. Kingornali Nunavumi piniartut pisaasa ammerivimmit pisiarineqarsinnaanerat akuerineqarpoq. Kattuffiit Naalakkersuisullu ullumi atatsimiinnerat paaseqatigiinnerulernermik kinguneqarpoq.
-Nalunara qanoq kinguneqassanersoq. Kisianni ataatsimeeqataasut nammineq isummatik, pisortaqarfinneersut, naalakkersuisoqarfinneersut ICC-minngaanneersut uagullu KNAPK-minngaanniit isummagut annissuuppagut. Tassa ataatsimiinneq ajunngitsumik ingerlavoq, paasissutissanik assigiinngitsunik tunioraaviuvoq, Peter Olsen naggasiivoq.