USA-p præsidentimut tullersortaa Dick Cheney amerikap naalagaaffiani qaffasissutut inissisimanera tunngavigalugu, amerlaqisut akeqqatut navianartutut isigisinnaavaat, - kammalaatitulli isigalugu ulorianarsorinanngikkunaraluarpoq.
Præsidentitut tullersortaasup Dick Cheney-p Texas-ip kujataani ikinngutinilu piniariartillutik ikinngutini aallartoorfigisimagaa, amerikamiut tusagassiiviini tusagassiarineqaqattaarpoq.
Angulli aallartoorfigineqartoq ajunngitsoq oqaatigineqarpoq.
Dick Cheney ikinngutinilu 78-nik ukiulik Harry Whittington timmiaruarniartillutik, timmiarsiummik aappani aallartoorfigisimavaa.
Aallartoorfiginninneq illoqarfiup sheriffiata maanna pisoq misissorpaa.