Saddam Hussein-imut eqqartuussinermi nunarsuarmioqatigiinnut ajortuliornermi uppernaarsaatinik ullormi kingullermi saqqummiisoqarnerani tissinaannartumik ingerlasoqarpoq.
Kisermaassilluni naalakkersuisuusimasoq Saddam Hussein eqqartuussaaqataalu arfineq marluk eqqartuussinermut takkuttut, oqarput pinngitsaalisaallutik eqqartuussivimmut najuutsitaallutik.
Saddam Hussein eqqartuussivimmut isiinnaavilluni nillialerpoq:
-Ajortuliortoq ajortumeerneqarli, ajortuliortut ajortumeerneqarlik, Bush ajortumeerneqarli, nunat islameqarfiusut inuummersorlik, Saddam niilliasimavoq.
Januaari naalersoq Saddam-ip eqqartuussivimmit aninerata kingorna, Saddamip illersuisuini pisortaq oqarpoq, Saddam-i eqqartuussinernut takkuteqqinniarnani nalunaaruteqarsimasoq.
Barzan al-Tikriti, Saddam-ip affarmik qatanngutaata politiinilu isortortuni pisortaanikoq, eqqartuussineq arlaleriarluni unitsittarpaa, eqqartuussivimmilu politiit arlaleriarlutik ajallugu issiavianut ingitittariaqartarsimallugu.