OL Torinomi Italiamiittumi aallartiinnaqaaq. Ilisarnaataa erfalasoq tallimanik nigalilik qullarneqarpoq, unammersuarnerullu ikumasua ikineqarluni.
Danskit piumasaqaataat sakkortuut anguneqarsimanngimmata nunatsinnit uggornartormik peqataasoqassanngilaq. Danskit unammisartoqatigiinnik ataatsimik – curlingertartunik – peqataatitaqassapput.
OL-ili suli aallartinngitsorluunnit nukkassaatinik inerteqqutaasunik unammisussat ilaasa aavi akoqarpallaartut paasineqariikatappoq.
Sisoraaserlutik sukkaniuttussat aqqaneq-marluk taamaasillutik peqataasinnaajunnaarput.
Nukkassaatinimmi atuinermi aak kinernerulersarpoq ingerlaarneralu arriinnerulersarluni, unammeqataassagaluarunillu ulorianarluinnassalluni.
Unamminerit aqagu aallartissapput, soorunalumi KNR-ikkut isiginnaarsinnaasavasi. Unammeqqaassapput angutit sisoraaserlutik ooqattaasartut.