Kalaallit Nunaat olympiademut
Skrevet af Najaaraq Egede
Kalaallit Nunaat Olympiademut, taama qulequtserlugu akerliussutsimik takutitseqatigiinnissamik Nuummi kajumissaarisoqarpoq.
Ikumatitalisarluni ingerlaaqatigiinnissaq OL-imi ammaanersiorneq eqqorlugu ingerlanneqassaaq, ualeru nalunaaqutaq tallimanut. Nuup Timersortarfianit Katuap tungaanut, ingerlaaqatigiinnerussaaq.
Ujakkaartartoq Martin Møller, OL-imi nunat tamalaat piumasaqaataat atuuttut angusimagaluarlugit, Danmarks Olympiske Komité-ip naalisarlugu DOK-mik taaneqartartup piumasaqaatai angusimanngilai.
Pissutsit taamaattut akuerineqarsinnaannginnerat akerliussutsimik takutitsinikkut ersersinniaritsik aaqqissueqataasut, namminnerlu timersortartuusut Kim Godtfredsen Mininnguaq Kleistilu oqarput.