Narsaarsummut tunngatillugu ataatsimiipput
Qaanaap eqqaani timmisartorsuup B 52-ip 1968-imi nakkarnerata kingorna, Qaanaap eqqaani innutaasut peqqissusaat misigisimasaallu tusaaneqarnerusariaqartut peqqissutsimut naalakkersuisoq Asii Chemnitz Narup, danskit peqqissutsimut ministerianik ataatsimeeqateqaqqammisoq oqarpoq.
- Ukiarmi oktobarimi Naalaakkersuisut siulittaasualu Hans Enoksen-ilu, Qaanaami innuttaasunik ataatsimeeqateqaqattaarnitsinni, innuttaasut saqqummiussugaat, uani Narsaarsummi qinngornernik ulorianartunik nassaartoqarsimanera pillugu, Lars Løkke Rasmussen-imut apuukkusussimavakka. Paaserusunnarsimavoq peqqinnissakkut qanoq kinguneqariataarsinnaasimaneri paaserusunnartorujussugami. Aamma malunnarpoq Qaanaammi innuttaasut eqqarsaatersortorujussuullutik assigiinngitsutigut misilittagaqaramik. Qaanaamilu innuttaasut kissaataat tunuliaqutserlugu Danskit ministerianut apuuppara, isumaqarama pingaartorujussuusoq. Aamma maannakkut misissuinerit Danskit naalagaaffiata akilerariaqarpaat.
Nalunaarusiaq Risø-minngaanneersoq naammassivinneqarpat, taavalu peqqinnissakkut kingunerisimasinnaasai nalilersorneqassapput, danskillu peqqissutsimut ministeriata Lars Løkke Rasmussen-ip oqariartuutigut tusaatissatut tiguai.
Taama oqarpoq peqqissutsimut naalakkersuisoq Asii Chemnitz Narup.