Aviisi Jyllands Posten-i muuamaamik titartakkanik mamiatsaatigineqaqisunillu saqqummiussereerluni juutit sorsunnersuit aappaanni nazistinit nungusagaanerannik titartakkanik Iranimiut aviisiatigut aamma saqqummiussaqarnialersaalersoq, Danmarkimi nutaarsiassaqartitsiviit arlaqartut tusarliussipput.
Jyllands-Postenip kulturimut immikkoortuani aaqqissuisoq Flemming Rose nutaarsiassaqartitsivimmut CNN-imut oqarsimaneragaavoq, juutit nungusagaanerannut tunngasunik titartakkanik Iranimi aviisikkut Jyllands-Posten saqqummiussissamaartoq.
Tamannali ilumuunngilluinnartoq Jyllandpostip aaqqissuisuunera Carsten Juste Danmarkimi nutaarsiassaqartitsivinni assigiinngitsunut erseqqissaavoq.