Nunavumi arnat angerlarsimaffeqanngitsut naalakkersuisut sulissutiginialerpaat, ippassaq akerliussutsimik takutitsisoqarnerani ineqarnermi ministerip Ed Piccop tamanna neriorsuutigaa.
Akerliussutsimik takutitsineq arnamit Pudloo Chouinardimit ukiuni sisamani Iqalunni inissarsiortuarsimasumit aaqqissuunneqarpoq. Tasamani 30-inik issittumi iserfissaqannginnami kingullertigut biilimi sinittariaqarsimavoq.
-Akerliussutsimik takutitsisoqarnerani ineqarnermut ministerip Ed Piccop arnat inissaaleqisut atugarisaat, qanoq amerlatigineri paaseriarlugit tasamani ikiuiniaqatigiiffiit suleqatigalugit iliuuseqarniarluni neriorsuivoq.
Akerliunermik takutitsisut aaqqissuisuata Pudloo Chouinard-ip tupaallaatigisaanik, akerliussutsimik takutitsinermi inuit 40-t missaanniittut peqataapput, ilaallunittaaq Iqaluit borgmesteriat.