Oqillisigineqartoq ilisimalluarparput; Nuummik taassavarput imaluunniit Godthåb? Aasiaat imaluunniit Egedesminde?
Folketingip aalajangerneratigut nunat aqqinik aalajangiisarneq, 1984-imi nunatsinnut nuunneqarpoq.
Tamatuma kingorna nunatsinni nunat aqqinik aalajangiisartut pillugit Inatsisartut Inatsiseqalerput, 1996-milu aalajangersarneqarpoq marloriaammik taaguisarnerput atorunnaassasoq. Illoqarfiit kalaallisut taaguuteqalissasut, atorunnaarsitsineq ukiuni sisamanik sioqqullugu, nunat eqqaamiorisagut ilisimatinneqarput.
Naggueqatitta Canadami Northwest Territoriemiittut piffissami kingullermi oqaluuserisimaqaat, illoqarfinnik atsersuisarneq. Oqallinnermi qitiutinneqarpoq illoqarfiup Holman-ip inuktitut atserneqarnissaa. Oqallinneq aallaavigalugu Canadami inatsisiliortut aalajangerput Holman Inuktitut atserneqassasoq, apriilillu aallaqqaataaniit taaguuteqalissasoq, Ulukhatok, taama CBC tusarliussivoq.
Ulukhatok isumaqarpoq, nuna ulumut atortussaqarfik.
Ulukhatok ullumikkut 470-it missaanni inoqarpoq.