Sisimiuni ataatsimiilerput
Ataatsimiititalimi ilaasortassanik nutaanik qinersinerup kingorna, Nammersorneq pillugu ataatsimiititaliaq Sisimiuni ullumi ataatsimiissaaq, ataatsimiinnermilu aqutsisuussaaq siulittaasunngortoq Jonathan Motzfeldt.
Ataatsimiinnermi pingaarnertut eqqartorneqassapput namminersulernerup, nunanut allanut tunngasunut sillimaniarnermullu tunngasunut kingunissai.
Aamma aningaasaqarnermut, inuussutissarsiornermut, naalagaaffeqatigiinnermut, nunallu akornanni immikkut pisinnaatitaaffiinnut tunngasut, kiisalu namminersulernissamut atatillugu apeqqutit, sulisoqarnermut tunngasut ataatsimiititaliat siulittaasuinit saqqummiunneqassapput.
Siulittaasoq Jonathan Motzfeldt oqarpoq ataatsimiititaliarsuup isumaliutissiissutiminik ukioq ataaseq qaangiuppat tunniussaqarnissaa ilimagineqarsinnaasoq.