Musliimit ingasaassiniat Talebanerinik taaneqartartut Afghanistanimi musliimeqatiminnut maannakkut kajumissaaripput, sorsunnermik illernartumik taallugu, danskit sakkutuui saassunneqartalissasut.
Taamatut kajumissaaarisoqarneranut pissutaapput, Jyllands-Postenip quiasaarutitut Muhammed pillugu titartakkat saqqummersissimasai.
- Nunanit allaneersut tamarmik malersugassaraagut, annerusumilli danskit sakkutuui malersorneqassapput, Talebanerit oqaaseqartartuat Qari Yussif Ahmadi oqarpoq.
Danskit sakkutuui Afghanistanimiittut ernumavallaannginnerarput, avatangiisiminnilu suli aqutsilluarsinnaanerarlutik.
Folketingimi amerlanerussuteqartut qanittukkut aalajangerput danskit sakkutuui Afghanistanimiittut 200-nik amerlineqassasut, taamaasilluni danskit sakkutuui Afghanistanimiittut katillugit 360-inngussapput.