Qeqertarsuarmi Siumup siulittaasuanik Jens Johan Broberg-imik politiinut tunniussissanerluni, Qeqertarsuup borgmesteriata Atassummeersup Augusta Sallingip eqqarsaatigaa.
Politiinut tunniussisinnaaneq eqqungitsumik tusarliinermut ataqqinassusermullu nakkarsaanermut tunngassuteqarsinnaapput.
-Ataqqinninngitsuliorfigineqarsimasutut misisgisimavunga, Augusta Salling radioaviisimut oqarpoq.
AG ullumi saqqummersoq allappoq Augusta Salling atorfimminik kommunemilu pissaanerminik atornerluisimasutut Qeqertarsuarmi kommunalbestyrelsemi illuatungiliuttunit pisuutinneqartoq.
Qeqertarsuarmi Siumup siulittaasua Jens Johan Broberg AG-mi ima issuarneqarpoq: - Augusta Salling pissaaneqalerniariarami innuttaasut soqutigisaat eqqarsaatiginngivillugit tigooraalerpoq.
Politiinut tunniussisinnaanerminik eqqarsaatiginninnermi saniatigut Qeqertarsuarmi kommunalbestyrelsip immikkut ataatsimiisinneqarnissaanik qinnuteqarsimalluni Augusta Salling radioavisimut oqarpoq.