Upernaanerani umiarsuarmik angallannermi Arctic Travel Group-ip Tele-Post centerininngaanniit bilitsinik tuniniaalernissaa ataasinngorpat aallartittussaagaluartoq kinguartinneqartoq, ATG tusagassiutinut nalunaarput.
Kinguartitsinermut pissutaatinneqarpoq Tele-Post cenerini sulisut, bilitsinik tuniniaanermut pikkorissartinnissaat atortunillu ikkussuinerit suli naammassinngimmata.
Bilitsinik tuniniaaneq februaarip ingerlanerani ingerlanneqalernissaa naatsorsuutigineqartoq tusagassiutini nalunaarummi allaqqasoqarpoq. Taamaattoq ataasinngorpat bilitsinik inniminniisarneq Arctic umiaq Line-ip Nuummi allaffiini ingerlanneqassapput.