Islandimiut Danmarkimi najugallit, kalaallit Danmarkimi najugaqartut assigalugit naapittarfeqarnissartik pisariaqartippaat.
Tamannalu pillugu, Islandimiut aallartitaata Danmarkimiittup; kalaallit, Islandimiut Savalimmiormiullu atlantikup avannaamioqatigiillutik illuutitaarniarnerat tapersersorpaa.
- Atlantikup avannaamiunut Danmarkimi nunasisimasunut Fynnimiut paasinninnerulissagaluarput, Islandimiut aallartitaat taama oqarpoq.
- Illu taanna Islandimiunut kalaallinullu malunnarnerulersitsissaaq, Islandimiummi Danmarkimi najugallit katillutik 2000-t missaanniipput, taamaalilluni illu taanna kulturikkut malugineqalernermik kinguneqartitsisinnaavoq, taama oqarpoq, Islandimiut aallartitaat Carl Christian Nielsen. Taanna aperineqarpoq, sooq tamanna pingaartinneraa.
- Maani Fynimi atlantikup avannaamiui ilisimaneqarpallaanngitsorujussuupput, pissangatigisamalu ilagaat, kulturikkut illutaarnissatta saniatigut café-mik neriniarfiusinnaasumik ammaanialersaaratta. Taamaalilluni Fynnimiut savalimmiormiut kalaallillu nerisassaataannik ussiisinnaalissapput, taama Carl Christian Nielseni oqarpoq, nangipporlu:
- Danskit Islandimiullu nerisassaataat assigiinngissuteqartorujussuupput, Islandimiut danskinut sanilliullugit aalisaganngernerujussuupput, oqarpoq.
Taassuma ilimagaa, Danskit inuusuttai neriniartarfimmukaasalerumaartut Islandimiunillu Danmarkimi najugalinnik naapitsisalissallutik.
- Islandimiut Fynimi najugallit inuiaqatigiittut nukittuujupput, kalaallillu maaniittut ilaat taamaappallaannginnamik tamanna iluaqutiginiarsinnaavaat, taamaalillutik ikioqatigiillutik nukittorsaqatigiissinnaapput.
Islandimiut aallartitaat Carl Christian Nielsen oqarpoq.
Atlantiku avannaamioqatigiit kattullutik illuutissaat millionerpaalunnik naleqarpoq, Carl Christian Nielsenillu naatsorsuutigaa, Islandimiut aningaasaateqarfii aamma tapeeqataajumaartut.