Aasianni tillitarpassuit

Aasianni politiit ujaaraat weekendtip ingerlanerani Pilersuisup quersuaani tillinniarnermut atatillugu tillinneqarsimasut kortit oqarasuaatinut angallattakkanut oqaluussinermut akiliutaasartut 263.700 koruunit nalingi, ujaarisat taakku amerlagaluaqisut, affaat sinnilaarlugit nassaarineqareersimapput, tassa affarai 276.300 koruunit nalingat.

Tassalu imaappoq; kortit oqarasuaatinut angallattakkanut oqaluussinermut akiliutaasartut tillinneqarsimasut katillugit millionit affaanik koruuninngorlugit naleqarput.

Kortit ujaarineqartut sinneri 500 koruuniliunerusimapput.

Aasianni politiit ittuata Niels Tønnesenip, oqaatigaa, Tele Greenland suleqatigalugu, koortit tillitat atorsinnaajunnaarsinneqarsimasut.

Taassuma aamma Aasiammiut qinnuigai suliaq suli ingerlammat, paasissutissanik nalunngisaqarunik politeeqarfimmut attaveqaqqullugit. Tassalu normumut uunga: 53 51 22.

Angutit inuusuttut pingasut 15-iniit 18-inut ukiullit tillinniarsimasutut tigusarineqareerput.