Unnuk manna nunatsinni illoqarfinni arlaqartuni unnuk kulturisiorfik ingerlanneqassaaq. Aamma maani Nuummi KNR-ip illorsua ammatinneqassaaq, matullu tamanut ammarneqassapput, nalunaaqutaq arfineq-pingasut qeqqanut.
Inuit soqutiginnittut KNR-mi suliffiit assigiinngitsut alakkarsinnaavaat, immikkoortortaqarfiillu arlallit ammatinneqassapput. Tassani suleriaatsit pillugit oqaluttuarsinnaasunik sulisunik piareersimasoqartassaaq. Aamma radioaviisimi telegram-inik studiamiit atuaasarneq qanoq innersoq misilinneqarsinnaavoq.
KNR-imiit nuna tamakkerlugu toqqaannartumik aallakaatitsineq nalunaaqutaq arfineq-pingasunut tanneq qulingiluaniit aallartissaaq, ilaatigut oqallitsitsinerit illoqarfimmilu pisut pillugit aallakaatitsinerit ingerlanneqassallutik.
KNR-imi kaffit tiit kaagillu aamma pisiarineqarsinnaajumaarput.
Sinerissami illoqarfinni makkunani unnuk kultuurisiorfik ingerlanneqassaaq: Nuuk, Qasigiannguit, Uummannaq, Ilulissallu.
Unnukuk kulturisiorfimmi KNR-ip ammanerani ilaatigut angutaannaallutik erinarsoqatigiittartut ”Qissiat”, KNR-ip ammatinneqarnerani aamma erinarsussapput, taakkualu Tikki Jakobsen-imit siulersorneqarput.
Tassa tassuugunnguaq nalunaaqutaq arfineq pingasut qeqqanut Nuummi KNR-ip illorsua tamanut ammarneqassaaq, pisinnaasullu KNR-mut alakkarterisinnaapput. Radiuaviisi tamaanga killeqarpoq unnussiorluassamaarisi.