Kalaallit timersortartuisa angusinnaarpianngisaannik danskit OL-imut atatillugu piumasaqaataasa qaffasippallaarnerat pillugu Kultureqarnermut Naalakkersuisoq Doris Jakobsen timersortartullu Kattuffiata siulittaasua Nuka Kleemann ataatsimeeqatigiipput.
Kalaallit timersortartut OL-mut ajornannginnerusumik annguttarnissaat anguniarlugu Doris Jakobsen-ip Danmarkimi kultureqarnermut ministeri Brian Mikkelsen ataatsimeeqatiseraa.
Nunarput nunaannginnami namminersortoq Olympisk Kommitee-mi ilaasortaatitaqanngilaq, OL-imullu peqaatasitsissaguni Danmarkimi inatsisit atuuttut malittariaqarpai.
Eqqartugassanut tullernguutissaaq nunatta nammineerluni Olympisk Kommitteeqalersinnaanissaa, kommitteeqalissagunilu IOC-mut ilaasortaasariaqarpoq inatsisillu atuuttut malissagaanni nunat Naalagaaffiit Peqatigiit akuerisaannik namminiivissut kisimik IOC-mut ilaasortaasinnaapput.