Aningaasanoorluni ”pinnguaatit” arlalissutit Kalaallit Nunaannut takkuttussanngorput. Tipsernernut, Lottornernut kiliortorlugillu eqquiniaatinut Dansk Tipstjeneste isumaginnittuuvoq.
Dansk Tipstjeneste aningaasanoorutinik eqqoriaasitsisartunitt nunani allaneersunit ”naqisimaneqartorujussuuvoq.”
Aningaasanoorutinik amerlanernik nunatsinnut takkuttoqarnissaa PAARISA-mit ernumanartortaqartinneqarpoq.
Inuusuttorpassuit aningaasanoortalernissaat ernummatigaarput, PAARISA-mi siunnersorti, Poul Petersen, oqarpoq.
Kalaallit Nunaanni 64 millioni koruunit nalinginut 2004-imi aningaasanoortoqarsimasoq, Dansk Tipstjenestimiit ilisimatitsissutigineqarpoq.
Aningaasanoortartut, ludomanit, pillugit Kalaallit Nunaanni misissuisitsoqarpoq, misissuisitsinerillu PAARISA-mit ingerlanneqartut, inerneri februaarip qiteqqunnerani naammassissangatinneqarput.