Nunavumi ministeriuneq, Paul Okalek aamma Avatangiisinut ministeri, Olayuk Akesuk, nunatsinnut tikeraalerput, nunatsinnilu Naalakkersuisut taakku ataatsimeeqatiginiarpaat.
Nunavumi politikerit taakku marluk Nuummut unnugu kingusissukkut tikissapput, nunatsinnilu naalakkersuisut ataatsimeeqatigiinnissaat taakku marluk isumassarsiaraat. Puisit amiinik Canadameersunik nunatsinnut eqqussuisarunnaarnissaq nunatsinni Naalakkersuisut aalajangerpaat, Olayuk Akesuk-llu isumaqarpoq, tamanna Nunavummiunut sakkortuumik sunniuteqassasoq.
Avatangiisinut Nunavumi ministeri, Olayuk Akesuk, neriuppoq, inuit kulturiata saqqummiunneqarnissaa pillugu Kalaallit Nunaanni Naalakkersuisut qanimut suleqatigisinnaanissaannut isumaqatigiissuteqarsinnaassallutik.