Isumalioqatigiissitami ilaasortat nutaat!
Nunatsinnit Namminersorneq pillugu isumalioqatigiisitani ilaasortat nutaat inatsisartunut qinersisoqarnerata kingorna qaammatit marluk qaangiuttullu inuttalerneqarput. Isumalioqatigiisitami ataatsimiititaliat taamaalillutik nutaanik inuttaqalerput.
Johan Lund Olsen IA-meersoq naalagaaffiup inuiaallu pisinnaatitaaffii pillugit ataatsimiititaliami ilaasortaalerpoq. Aqqaluk Lynge, kingullermik inatsisartunut qinersisoqarnerani qinigaanngitsoortoq, taamaallilluni taarserpaa.
Per Rosing-Petersen Siumumeersoq aamma qinigaanngitsoorpoq. Taanna Demokraatineersumit, Per Berthelsenimit taarserneqarpoq kiisalu Jonathan Motzfeldt isumalioqatigiisitani siulittaasunngornini pillugu aningaasaqarnermut inuussutissarsiutillu siuarsanissaannut ataatsimiititaliamit tunuarmat IA-meersup Kuupik Kleistip taarserpaa.
Aningaasaqarneq inuussutissarsiutillu siuarsarneqarnissaannut ataatsimiititaliaq suli siulittaasussaanik qinersisoqanngilaq, tullianili ataatsimiinnermi februaarip arfineq-aappaanni qinersisoqarnissaa ilimagineqarpoq.
