Puisit amiinik Canadamut pisiortornerup unitsinneqarnissaanik aalajangerneq allanngortinneqassanngitsoq, Aalisarnermut Piniarnermullu Naalakkersuisoq Finn Karlsen oqarpoq.
-Canadamit puisit amiinik pisiortornerup taamaatinnera allanngortinneqassanngilluinnartoq, piniarnermut aalisarnermullu naalakkersuisoq Finn Karlsen nalunaarpoq.
Nunavumi neriuutigineqarsimagaluarpoq tasamani piniartut ameerutaannik pisisarnerput allanngortinneqassanngitsoq. AG-mi allaaserineqarpoq sapaatip akunnerata tulliani Nunavumi premierministeri Paul Okalik, avatangiisinullu ministeri Olayuk Akesuk nunarput tikeraarniaraat, naalakkersuisutta aalajangernerat allanngortinniaraluassallugu.
Finn Karlsen-ili issuarneqarpoq allanngortitsisoqassanngilluinnartoq.
Ammeriviup Great Greenland-ip Canadamit puisit amiinik pisiortorunnaarnini allanngortissanngilaa.
Siunniunneqarpoq nunatsinni piniartut ukiumut 100.000-it 120.000-illu akorninik ameeruteqartalissasut.
-Pisinnaatilluta nunanit allanit puisip amiinik pisiortussanngilagut, Finn Karlsen AG-mi issuarneqarpoq.