Pinngitsaaliisimasoq pineqaatissinneqarpoq
04. januar 2006 06:15
Angut 23-inik ukiulik pinngitsaaliilluni arnerisimasutut ukioq ataaseq qaammatillu qulingiluat Nanortalimmi eqqartuunneqarpoq.
23-inik ukiulik arlaleriarluni pinngitsaaliisareersimavoq. Niviarsiaraq 13-inik ukiulik inissiarsuit isaariaanni majuartarfinni pinngitsaalillugu decemberimi arneriffigisimavaa, oktoberillu naalernerani aamma allamik pinngitsaaliisimasutut eqqartuussaalluni.
Nanortalimmi politeeqarfimmi sulisoq, Niels Nyvang Nielsen, Sermitsiaq.gl -imut oqarpoq, 23-inik ukiulik pineqaatissinneqarnini kingulliit pissutigalugit maanna parnaarussaareersoq.