Aappaagu saattuartassat aalajangersarneqarput

Aappaagumut saattuartassat Naalakkersuisut maanna aalajangersareerpaat.

Saattuanut TAC-ssaq aalajangersareerlugu, TAC 5.700 tonsinut Naalakkersuisunit aalajangerneqarpoq, sinerissap qanittuani saattuarniarnermi 4.200 tonsit sumiiffinni aqutsiviusuni assigiinngitsunut makkununnga agguarneqarlutik:

Disko- Uummannaq 1.600 tonsit, Sisimiuni 700 tonsit, Maniitsoq Kangaamiullu 100 tonsit, Nuuk-Paamiut 1.800 tonsit, tassa katillugit 4.200 tonsit.

Saattuat 500 tonsit angallatinut avataasiortunut pisassiissutigineqassapput ”Athenimilu isumaqatigiissut” naapertorlugu EU 1.000 tonsinik pisassinneqassaaq.

Avataasiortunut pisassiissutit Kitaani tamarmi sømilinik pingasunik killeqarfiup avataani aalisarneqarsinnaassapput taamaallaat matoqqasuni, Sisimiut aamma Maniitsoq-Kangaamiut, pinnani, EU-p pisassai 12 sømilip avataani taamaallaat aalisarneqarsinnaapput.

APK, KNAPK ingerlatsivinnilu najukkani peqatigiiffiit peqatigalugit piaarnerpaamik saattuat aqitsunik qaleruallit illersorniarlugit ukiup qanoq ilinerani qaammatini pingasuni saattuarniarneq qaammatini pingasuni uninngatinneqassanersoq isumaqatigiissutigineqassaaq.