Usuup puui juullerpaluttut
Yukon-p naalakkersuisoqarfianniit Canada-p avannaani, usuup puuinik juullimi pinnersaatissatut isikkulinnik puulinnik agguaasoqarpoq.
Taamatut iliornermi Yukon-ip naalakkersuisoqarfiata anguniarpaa, juullip nalaani inuit isumannaatsumik atoqateqartarnissaat. Taama CBC North allappoq.
Usuup puui, juullimut pinnersaatissatut isikkulinnik puullit katillugit 2800-t nakorsiartarfinnut suliffeqarfinnullu agguaanneqarsimapput.
Yukon-p naalakkersuisoqarfiani peqqinnissaqarfimmi sulisoq Anne Arms oqarpoq, tunissutit pitsaanerpaat tamarmik poortornikuusarneri naalakkersuisoqarfiup oqariartuutiginiarsarigaa.
Aamma oqaluttuarpoq angajoqqaat inuusuttunik meerartallit arlalissuit, usuup puuinik pinnersaatissatut isikkulinnik poorneqarsimasunik aallertoqartarsimasoq.
