Savimmik kapuuisoq tigummigallagassanngortinneqarpoq
29. december 2005 11:36
Arnaq 38-inik ukiulik aapparminik savimmik kapuuereerluni sapaatit akunnerini arlalinni tigummigallagassanngortinneqarpoq.
Pingasunngornerup unnuaani arnap aappani 43-nik ukiulik savimmik arlaleriarlugu kapoorsimavaa.
Aappariit imersimatillutik isumaqatigiinngilersimapput, taamaaseriarmallu arnap aappani savimmik kapisimavaa. Angut nammineerluni napparsimavialiarsimavoq, inuuneralu navianartorsiorsimanani.
Narsami eqqartuussisoq maannakkorpiaq feeriarpoq, taamammallu suliaq Nanortalimmiit videoliuutit ikiorsiullugit toqqaannartumik attaveqarnikkut suliaq ingerlanneqarsimavoq.