KODA-p nersornaasiuttagaanik nersornaasiinissaq sisamanngorpat Katuami ingerlanneqassaaq.
Erinniortartut taalliortartullu kattuffiat KODA ukiut tamaasa kalaallinik nipilersortartunik nersornaasiisarpoq, ukioq mannalu aamma nersornaasiineq TV-kut toqqaannartumik KNR suleqatigalugu aallakaatinneqassaaq.
Nersornaasiinerit assigiinngitsut pingasut tunniunneqassapput. Siulleq tassaavoq saqqummersitsisimasuni pitsaanerpaatut toqqaaneq, tullia tassaavoq takutitsillaqqisut nersornaataat, pingajuallu tassaalluni ataqqinaammik nersornaasiinissaq.
Nersornaasigassatut piukkunneqartunut arlalissuarnut ilaapput, SUME-mi nipilersoqataasartut, Malik Høegh aamma Per Berthelsen.
Aamma erinarsortartoq tusaamaneqarluartoq Angu Motzfeldt nersornaasigassatut piukkunneqarpoq.