Angallanneq pillugu aaqqissuussinissaq ukiumi nutaami qanoq pilersaarutigineqarnersoq nalornissutigineqarpoq.
Tamanna aaqqinniarlugu Namminersornerullutik oqartussat quppersagaliortitsisimapput, takutinniarlugu aappaagu sumiiffinni assigiinngitsuni angallannissamut periarfissat qanoq innersut.
Quppersagaq taaguuteqarpoq: ”Angallannerup ilusiligaanera 2006.” Quppersakkami takuneqarsinnaalluni timmisartukkut angallannerup qanoq ilusilersorneqarsimanera.
Aamma takuneqarsinnaavoq umiarsuarmi angallanneq qanoq pilersaarutigineqarsimanersoq umiarsuarmillu angallanneq qanoq akeqarnersoq.
Quppersagaq 25.000-inngorlugu naqinneqarsimavoq angerlarsimaffinnullu agguaanneqassasoq, Namminersornerullutik oqartussat nittartagaanni allassimavoq.