Angallannermut tunngasoq. Kalaallit nunaanni timmisartukkut angallattut 600-t missaanniittut ippassaq kinguaattoortut, apuuffissaminnut anngutissasut Air Greenland-mi tunisassiornermik pilerisaarinermillu pisortaq Hans Jørgen Mørch nalunaarpoq.
- Ullaaq sila erseqqarinnerulermat timmisartuussineq aallartipallapparput, kinguaattoorsimasullu amerlanersaat apuuffissaminnut ullumikkut anngutissapput, Hans Jørgen Mørch oqarpoq.
Maannakkut inuit 20-it missaanniittut kisimik kinguaattoornermik eqqugaapput, allakkallu aamma annikitsut suli apuuffissaminnut anngunnatik.
- Timmisartuussinissat tamarmik naammassineqarniassammata, neriuppugut sila aqagu ajussanngitsoq, Hans Jørgen Mørch oqarpoq.