Kangilinnguani Sakkutooqarfik alliartorluarpoq.
Sakkutooqarfinnut attuumassutillit tamarmik Alapernaarsuisullu, PNG, Kangilinnguani Sakkutooqarfimmut atasumik januaarip ulluisa aallaqaataanniit nutaamik aaqqissuussissapput.
Sakkutooqarfimmi sulisut 65-iniit 100-nut amerlineqassapput, Kangilinnguanilu Sakkutooqarfimmi pisortaq annerusumik akisussaaffeqalissaaq.
Paatsooqatigiittoqartannginnissaa aaqqissuusseqqinnermut peqqutaavoq. Oqartussaasut siornatigut assigiinngitsut sisamaasimapput, kinalu sumut akisussaasuunersoq paatsuungassutaasarsimavoq.
Illersornissamulli ulluinnarni tunngasut allannguuteqarujussuassanngillat. Sakkutooqarfiup suliassai pingaarnerit tassaapput nakkutiginninneq- namminersortuunissamullu ileqqutigut akuersisarneq, annaassiniarneq aalisarnermillu nakkutilliineq.
Alapernaarsuut ”Hvidbjørnen” qulimiguulimmik timmisartuaraatitalik – saniatigullu aalisariutit marluk – Sakkutooqarfiup pigai, aamma Siriuspatrulje nakkutigisaraat.
- Kalaallit Nunaata imartaani arlaannik pasinartoqassagaluarpat, alapernaarsuut misissuiartornissaminut piareersimavoq, pilersaarutaavorli alapernaarsuut juullip ulluani Nuummiissasoq.
Kangilinnguani Sakkutooqarfimmi sakkutuut naalagaat Alex Jensen taama ilisimatitsivoq.