Inuusuttut efterskolerusupput!

Nunatsinni meeqqat atuarfiinik siorna qimatsisussat

11. klassineersut 237-t qinnuteqartunit 312-iusunit Danmarkimut efterskoleriarnissamik akuerisaallutik ukioq ataaseq atuariartorput.

Ajoraluartumilli taamaatiinnartoqartarpoq, siornalu taamaatiinnartut 12 procentiupput, kisianni aamma ilaqarput angajoqqaamik suliffissaarunnerat pissutigalugu atuarunnaartariaqartunik, taama oqarpoq Sisimiuni oqaatsinik ilinniarfimmi nunanut allanut siunnersorti Lars K.S. Olsen.

Siullermik paasiniarparput efterskole-t sooq taama

kajungerineqartigilersimanersut.

- Sinerissami siunnersuisartut rådgivningslærerit pikkorissiartorput, taakku pikkorissiartornerat ilutigalugu atuartut paasitinneqarluartarnermikkut takusinnaalersimavaat, atuarfik imminnut naleqquttoq sumiinnersoq. Uagut atuariartortittakkatta agguaqatigiissillugu 12 procentiinnaasa missaat ukiup ataatsip iluani maanaannaq unittarput. Ilanngullugu taarusuppara, efterskolerneq akeqarpoq, angajoqqaallu akiliuteqartartussaapput, meeqqamik efterskolernermini ineqarneranut, atuarneranut, nerisaqarnerannullu. Malugisarpullu aana; suliffissuit matoraarnerat ilutigalugu angajoqqaat eqqugaasartut tamakkununnga. Tassa imaappoq angajoqqaat aningaasamiilernerisa kingorneranik efterskolertut ilaat maanaannaaq atuarunnaartariaqartarput, assullu tamanna uggornartarpoq, Lars K.S. Olsen oqarpoq.

Ukioq manna efterskolenut qinnuteqarsimasut siornatut amerlatigissangatillugit Lars K. S. Olsen aamma oqarpoq.