Tuttunik ikiliartupiloortunik kisitsinissamut Akitsinni Nunavumi piniartut oqartussaasunit ikiortiserineqarput.
Nunavumi tuttut qassiuneri aamma oqallisaapput; kisitsinerit kingulliit ersersippaat ukiut arfineq-marluk ingerlanerini affaannanngorsimasut. Taamaammat oqartussaasut piniartut ikiortigalugit tuttut peqqissusaat misissuiffiginialerpaat.
Piniartut tuttunnialernerminni atortorissaarutinik nassartaqquneqarput, pisamillu tartui tunnualu misissugassanngorlugit nassiuttaqqullugit.
Piniartup, Jim Petersonip, ukiaq manna tuttunniartarnerminit pisami tartui
50-t nassiussimavai.
-Tuttut peqqissuunissaat uagutsinnut pingaaruteqaqaaq, Jim Peterson nutaarsiassaqartitsivimmut CBC News-imut oqarpoq.