Nunarput pillugu upernaaru tusarniaanissamik Dansk Folkepartip siunnersuutaa Folketingimi amerlanernit ullumi akuerineqanngilaq.
Nunatsinni pissutsit pillugit tusarniaanissamut Dansk Folkepartiip nikassaarpalaartumik nipilimmik saqqummiussinera Socialdemokratit oqaaseqartartuata Frank Jensenip akuuffigiumannginnerarpaa.
Nunatta namminiilernissaata ukiut 50-t 100-lluunniit qaangiuppata aatsaat piviusunngorsinnaanissaa Dansk Folkepartiip oqaaseqartartuata tusagassiutitigut nalunaarutiginikuuaa.
Nunarput pillugu tusarniaanissaq danskit inatsisartuini ataatsimiititap ilaasortaasa akuersaarpaat, aatsaalli namminiilivinnissamut isumaliutissiissut aappaagu saqqummiunneqareerpat.
Tusarniaanissamik siunnersuuteqartut, Søren Espersen-ip, parteeqataatalu, Christian H. Hansen-ip, itigartitsineq tusaatissatut tigunerarpaat.