Silaannaap allanngoriartornera pillugu FN-ip Montreal-mi ataatsimeersuartitsinerani, nunat inoqqaavi nunanit assigiinngitsuneersut, Inuit, saamit Rusland-ip avannaarpasissuaneersut eqqillillu, avammut nalunaarput, silaannaap allanngoriartornera aallaavigalugu avannarpasissumi najugallit, FN-ip iluani immikkuullarissutut inoqqaat isigineqartariaqartut. FN-i aqqutigalugu silaannaap allanngoriartorneranik ilisimatusarnerit inernerisartagaat inoqqaanut ingerlateqqinneqartalernissaat kissaatigineqarpoq.
Aamma nunat inoqqaavisa kissaatigaat ikiuiniaqatigiinnit FN-illu ataani ammanerusumik ikiorneqartalernissaq. Tassani pineqarpoq, silaannaap kiatsikkiartornerani nunat inoqqaavisa ajornartorsiulertarnerat.
FN-ip Montreal-imi ataatsimeersuartitsinerani
Chickaloon-it høvdingiat, Gary Harrison nalunaarut nunat inoqqaavineersoq, Canada-p ministerianut Stephane Dion-mut tunniuppaa.