Eqqumiitsuliortutta ullutsinnut naleqqussarlugit suliaat Danmarkimi nersualaarneqaqaat.
Aviisimi ullormut saqqummersartumi Berlingske Tidende-mi nersualaarinninnerit imaaginnavipput. Saqqummersitat 72-it eqqumiitsuliortunit aqqaneq-marlunnit suliaasut namminiilivinnissamut kinaassutsimillu ujartuinermik eqqarsalersitsipput.
Aviisip eqqumiitsulianik naliliisartuata Ole Nørlyngip maluginiarnerusimavaa Aka Høegh, meeraalu Inuk aamma Bolatta Silis-Høegh Kastrupgård-imi saqqummersitseqataasut arajutsisimanngilai. Ataatsimooqatigiinnguatut inuunerup oqaluttuarineraniit, tamakkiinerusumik inuiaat kalaallit ullumikkut inooriaasiat, iluatsilluartumik takutitassiaraat.
Saqqummersitat Nordenvind – Avannaq – aappaagu januaarip qeqqata tungaanut Kastrupgård-imi takuniarneqarsinnaapput.