Pinngitsaaliisoq pineqaatissinneqarpoq
08. december 2005 15:11
Alluitsup Paa-ni angut 41-nik ukiulik, arlalinnik pinngitsaaliisarsimasutut unnerluutigineqareerluni, ukioq ataaseq pineqaatissiisarfimmut inissinneqartussatut pineqaatissinneqarpoq.
Ukiut arlallit matuma siorna pinngitsaalineqarsimasoq, politiinut nalunaarutiginnimmat, arlallit aamma tassannga angummit pinngitsaalineqarsimanertik politiinut nalunaarutigisimavaat, angutillu pineqaatissinneqartoq kingullermik pinngitsaaliigami, soralussani 17-iinnarnik ukiulik aamma pinngitsaalisimavaa.
Eqqartuussineq ingerlanneqarmat inuit qulingiluat uppernarsaasutut najuussimapput.