Avannaani qilalugarniarfiusartuni Uummannamiit Qeqertarsuaq ilanngullugu ukioq manna qilalugartaassiissutit ilaneqarnissaannut Naalakkersuisut ippassaq akuersipput.
Uummannamit Qeqertarsuaq ilanngullugu qernertanik qilalugartassiissutigineqaqqipput 50-it, taakkulu aappaagu juunip naanerata tungaanut pisassiissutigineqarput.
Qaqortartassani pisarineqanngitsoortut 92-it aappaagu juunip naanerata tungaanut aamma pisassiissutigeqarput.
Pisassiissutigineqartut februaarimi marsimiluunniit naliliiffigineqaqqissasut aalisarnermut piniarnermullu naalakkersuisoq Finn Karlsen oqarpoq.
Biologit qilalugartassiissutissatut siunnersuuteqarsimanertik aalajangiusimagaluaraat Naalakkersuisut qinnuteqaammut akuersipput.
Ukioq manna qilalugartassiissutigineqartut 260-iusimapput, sipporneqarsimallutilli.